LAOAG CITY – Nagpanawagan ti Environmental NGO BAN Toxics para iti maysa a naiget ken independiente nga imbestigasion iti panagbagsak ti landfill ti Rizal Provincial Sanitary Landfill (RPSL) idi Pebrero 20, 2026 iti Barangay San Isidro, Rodriguez, Rizal a nagresulta iti saan a bumaba iti maysa a kumpirmado a natay ken nangibati ti dua nga indibidual a mapukpukaw kalpasan a nagreggaay ti sumurok-kumurang 420,000 cubic meters ti basura.
Basar iti grupo a BAN Toxics, gagem ti grupo nga imbestigaran no sumursurot ti pasilidad kadagiti pagannurotan iti aglawlaw ken kinatalged kabayatan a gutgutigoten met ti gobierno a sangoen ti krisis iti basura ken polusion iti plastik iti naggapoan.
Pagdedebatean dagiti residente ken dagiti trabahador ti basura ti report ti Montalban Disaster Risk Reduction Office mainaig iti tallo a natay nga adda ti panagamak dagiti saksi nga ad-adu dagiti nagaburan.
