LAOAG CITY – Adda ti pakabuklan a 74 a ribo a Pilipino ti naaddaan ti trabaho babaen ti tulong ti ‘Trabaho at Negosyo program’ kadagiti naisayangkat a job fairs sipud pay iti napalabas a tawen.
Daytoy ti inpanakkel ni President Ferdinand Marcos Jr.
Segun ken ni Presidente Marcos, umabot iti nasurok a 2,300 a job fair ti insayangkat ti gobierno iti intero a pagilian sipud idi 2025 no sadinno nga idi laeng Enero ita a tawen ket adda ti naisayangkat nga 47 a job fair a nagresulta ti pannaka-hired on the spot ti 2,400 nga aplikante.
Innayon ni Marcos a ti programa ket mangididiaya ti skills training, reskilling ken upskilling opportunities, kasta pay ti enterprise-based training, no sadinno a dagiti employers ket mangipaay ti specialized guidance kadagiti mangmangged.
