LAOAG CITY – Inakusaran ti Estados Unidos ti Russia a mangipapaay daytoy kadagiti intelligence report iti Iran.
Basar iti White House, adda ti sumagmamano nga impormasion a nakalapda mainaig iti panangipaay ti Russia dagiti impormasion no sadinno a lugar dagiti suldado ti Amerika.
Agtultuloy ti panagkalap ti impormasion ti White House maipanggep iti nasao a banag.
Nakasublin iti Estados Unidos ti sumagmamano nga Amerikano a naapektaran iti gubat iti Middle East.
Kinumpirmaran ni Assistant Secretary of State for Global Public Affairs Dylan Johnson nga adda ti sumagmamano a chartered flight nga innala ti gobierno ti Estados Unidos tapno maibakwit dagiti kailianda.
Umabot iti 13 a ribu nga Amerikano iti Middle East ti natulunganda.
Basar iti datos ti Iran, addan ti 1,332 ti natay gapu iti panangatake ti Amerika ken Israel.
