LAOAG CITY – Nanayonan ti bilang dagiti suldado ti Estados Unidos a natay gapu iti panangatake ti Iran idiay Saudi Arabia.
Kinumpirmaran ti United States Central Command ti pannakatay ti maika-pito a suldado iti panangraut ti Iran idiay Saudi Arabia idi Marso 1.
Daytoy ket kalpasan a nagsagaba ti nakana a sugat ken nagtalinaed pay iti ospital ti maysa a lawas.
Immuna iti daytoy, adda ti innem a suldado ti pimmusay iti panangatake ti Iran idiay Kuwait.
Inadmitir ni United States President Donald Trump a manayonan pay ti bilang dagiti matay a suldado.
Ad-adalen ni Trump ti panangi-deploy kadagiti suldadoda idiay Iran tapno naan-anay a maabakda ti panangatake dagitoy kadakuada.
