LAOAG CITY – Naglikudan ni Deputy Speaker ken National Unity Party (NUP) Chairperson Ronaldo Puno a nakitaripnong ti partido da iti liderato ti kamara de representantes mainaig iti impeachment kontra ken ni Vice President Sara Duterte, kagiddan iti panangadmitir na a possible nga agtungpal iti conscience vote ti desisyon dagiti miyembro da.
Inlawlawag ni Puno nga awan ti napasamak ken awan ti plano a dalyalogo ti National Unity Party kada Speaker Faustino Bojie Dy III ken Majority Leader Ferdinand Alexander Marcos.
Inpetteng ti agpanpanday linteg a ti posisyon ti partido ket nakadepende iti ebidensya ken saan nga iti aniaman a pressure.
Nupay immunan nga inrakurak partido a nalidem a paboran da ti reklamo gapu ta awan ti baro nga ebidensya, aggudua ti opinyon dagiti miyembro da.
Kinontra daytoy ni Senior Deputy Majority Leader Lorenz Defensor a mamati nga adda ti umdas a pagibasaran ti betrayal of public trust mainaig iti inaramid a livestream ti bise presidente.
Iti agdama, dua laengen kadagiti uppat nga impeachment complaints ti nagtalinaed iti Kamara de representantes.
