LAOAG CITY – Binigbigen ti US military dagiti innem a crew members a natay kalpasan a nagswek ti nagluganan da a refuelling aircraft idiay Iraq.
Basar iti Pentagon, dagiti airmen a nakalugan iti KC-135 plane ket isuda John Klinner, 33, manipod Alabama; Ariana Savino, 31, manipod Washington; Ashley Pruitt, 34, manipod Kentucky; Seth Koval, 38, manipod Indiana; Curtis Angst, 30, manipod Ohio; ken ni Tyler Simmons, 28, nga aggapo met iti Ohio.
Naamoan a dagiti tallo nga immuna ket Air Force personnel, idinto a dagiti tallo a naudi ket nagserbi kas National Guard.
Maipalagip a napasamak ti insidente kabayatan ti combat mission ti aircraft kas paset ti manarimaan nga operasyon ti Estados Unidos kontra iti Iran.
Kabayatanna, inawagan ni US Defense Secretary Pete Hegseth dagiti pimmusay a crew members kas “American heroes”.
