LAOAG CITY – Dinayaw ti Philippine National Police (PNP) dagiti babbai a personnel da iti agtultuloy a panangmuli ti leadership iti puwersa.
Maibasar iti datos idi Pebrero 2026, adda ti 52,223 a babbai manipod iti 236,493 personnel ti Philippine National Police wenno 22.08 porsyento.
Karaman ditoy ti 43,847 uniformed personnel; 8,098 non-uniformed staff, ken ti 278 cadets.
Naamoan a kadagiti senior uniformed ranks, adda ti maysa a babai a police major general, lima a brigadier generals, ken 125 colonels.
Segun iti Philippine National Police, daytoy ket pammaneknek ti commitment da iti gender equality ken merit-based advancement.
Inbatad ni PNP chief Jose Melencio Nartatez Jr., a ti panagtaud ti babbai a personnel ti nailian a pulisya ket mangipakpakita ti positibo a panagbalbaliw iti tradisyonal a male-dominated a puwersa.
