LAOAG CITY – Inpakaammo ni Vice Mayor Rey Carlos Fariñas nga awan pay ti planona nga agpaidasig iti nangatngato a posision inton 2028 election.
Segun kenkuana, kalikagumna pay laeng iti ilippas ti nabatbati pay a terminona kas Bise Mayor ditoy siudad ti Laoag.
Inbatadna a surotenna no ania ti gasat nga ipaay ti Dios kenkuana iti lubong ti pulitika.
Inlawlawagna nga ipangpangrunana pay laeng dagiti agdama a mapaspasamak ditoy siudad ti Laoag sakbay iti maipanggep ti eleksion.
Kunana a masapul a kanayonna nga iprioridad ti pagsayaatan dagiti amin nga umili.
