LAOAG CITY – Nakasaganan ti Laoag City Disaster Risk Reduction and Management Office kagiddan iti pannakaobserbar ti Semana Santa.
Segun ken ni Dr. Melvin Manuel, mangidadaulo iti nasao nga opisina, makikoordinarda kadagiti nagduduma a responders ditoy siudad ti Laoag kas iti Philippine National Police, Philippine Coast Guard, Bureau of Fire Protection, Department of Public Safety, City Health Office ken dadduma pay tapno makita ti seguridad dagiti local ken foreign tourists.
Malaksid iti daytoy, kunana a makikoordinarda pay kadagiti barangay nga idadauloan ni Pres. Arbee Ablan tapno masigurado a mapagtalinaed ti linak, urnos ken talna.
Inbatadna a no maipapan kadagiti equipment nga usarenda a panagresponde no inkaso nga adda dagiti emerhensia ket nakasagana ken kumpleto met dagitoy.
Innayonna a babaen iti panagkikinnammayet ket al-alisto laeng iti panangipaay ti tulong kadagiti agkasapulan ken masigurado ti kinatalged ti tunggal maysa.
