LAOAG CITY – Nakaawat ti Nalbo Overseas Workers and Families Association (NOWFA) ti P1,000,000.00 a pondo manipud iti Overseas Workers Welfare Administration (OWWA).
Iti turn-over ket inimatangan da City Administrator Atty. Ed Von Cid ken City Legal Officer Joeshua Agcaoili, dagiti mangibagi iti Overseas Workers Welfare Administration nga indauluan ni Regional Director Ms. Marivic Mondina, ken ti OWWA Migrant Desk Office nga idadaulan ni City Public Employment Service Officer Ms. Shey Pia Abaya.
Ti nasao a pondo ket mausar para iti nagduduma a livelihood program ken pagsayaatan dagiti Overseas Filipino Workers ken pamilya da.
Inpasingked ti gobierno lokal ti naan-anay a suporta da kadagiti inisyatibo ken programa ti Overseas Workers Welfare Administration para iti pagsayaatan dagiti umili ditoy ciudad ti Laoag.
