LAOAG CITY – Epektibo inton Abril 8 ti P20 a nayon iti minimum wage iti Bicol Region kalpasan ti deliberasion ti Regional Tripartite Wages and Productivity Board (RTWPB) idi Marso 3.
Inbatad ni Department of Labor and Employment Bicol Regional Director Imelda Gatinao, resulta daytoy ti naiget a konsultasion iti innem a probinsia ken dua a public hearings a nangrugi pay idi Enero.
Iti agdama, umabot iti P435 ti minimum wage a nababbaba iti poverty threshold a P460 ken ti real wage value ket umabot iti P320 laeng gapu iti inflation.
Gapu iti daytoy, napagtutulagan ti board ti pakabuklan a P45 a nayon nga ipatungpal iti dua a tranche.
