LAOAG CITY – Inbilin ni Philippine National Police Chief General Jose Melencio Nartatez Jr. ti maximum police visibility kadagiti bus terminal, pantalan ken eropuerto a posible a pagturongan dagiti tattao ita nga Holy Week.
Ti nasao a presensia dagiti kapulisan ket paset ti heightened alert status ti Philippine National Police.
Adda ti 2.4 milyon a tattao ti manamnama a sumangpet kadagiti pantalan iti intero a pagilian idinto a manamnama nga adda ti 1.3 milyon a biahero ti sumangpet iti Ninoy Aquino International Airport (NAIA) iti sibubukel nga Holy Week break.
Inbatad ni Philippine National Police Spokesperson PBGen. Randulf Tuaño, nangestablisardan kadagiti police assistance desk para iti alisto a panagresponde kadagiti biahero nga agkasapulan ti tulong.
Malaksid kadagiti transportation hub, pinaigetan pay ti nailian a pulisia ti presensia ti kapulisan kadagiti kangrunaan a simbaan ken dadduma pay a lugar a daydaywen ti naruay a tattao.
Kabayatanna, ginutigot ni Nartatez dagiti motorista nga i-double check dagiti luganda sakbay nga agbiahe nangruna no adayo ti papananda.
