LAOAG CITY – Inaprobaranen ti Sangguniang Bayan iti ili ti San Nicolas ti 9 a milyon a pisos a pundo para iti sewarage treatment facility iti merkado publiko iti nasao nga ili.
Segun ken ni Mayor Edmar Vincent Bonoan, kalpasan ti atiddog a diskusion ket inaprobaran met laeng ti konseho ti gakat a nakaipalaonan ti nasao a proyekto.
Inbatadna a daytoy ti makasolbar ti problema dagiti residente iti lawlaw ti merkado publiko a danum nga aglipyas manipud iti kanal.
Inlawlawagna a naikonektar daytoy a proyekto iti integrated drainage system program tapno agbalin a maymaysan a programa.
