LAOAG CITY – Inleppas ti top seed a ni Mirra Andreeva ti kampanya na iti Linz Open iti maysa a naiget a comeback victory kontra ken ni Anastasia Potapova, iti iskor nga 1-6, 6-4, 6-3.
Iti umuna a set, narigatan ni Andreeva kalpasan a nakaaramid ti ado nga unforced errors ken naan-anay a naibati iti iskor nga 1-6.
Nupay kasta, iti maikadwa a set ket nakasubbot ti agtawen ti18 a tennis star iti babaen ti ad-adda nga agresibo nga ay-ayam ken nagsasaruno a break points tapno maitabla ti laban.
Iti deciding set, inpakita ni Andreeva ti ad-adda nga agresibo a serve ken kontrol iti ay-ayam tapno naan-anay a magun-od ti balligi ken ti maikadwa a titulo na ita a tawen, kalpasan ti Adelaide International idi Enero.
Mainaig iti daytoy, dinayaw ni Andreeva ti kinalaban na ken inadmitir na a narigatan ken ni Potapova.
