LAOAG CITY – Mangipatungpal ti compressed workweek ti Department of Human Settlements and Urban Development manipod Abril 13 agingga iti Abril 17, 2026, ka solusyun iti mapaspasaran nga energy crisis iti pagilian.
Basar iti rakurak ti ahensya iti opisyal a social media page, ti addang ket maiyataday iti Memorandum Circular 114 a mangaprubar iti four-day onsite work arrangement iti sumagmamano nga opisina ti gobyerno.
Iti babaen ti baro nga iskedyul, silulukat ti central ken regional offices ti DHSUD manipod iti oras ti alas-7 ti bigat agingga iti oras ti alas-6 i rabii magrugi ita nga aldaw Abril 13 agingga iti Abril 16.
Manipod Abril 17, Biyernes, skeletal workforce laeng ti naka-duty iti ahenya iti oras ti alas-8 ti bigat agingga iti alas-5 ti malem.
Binalakadan ti ahensya dagiti kliyente ken stakeholder nga i-schedule a naimbag ti panagbisita ken transaksyon kadagiti naikeddeng nga oras ti operasyon.
