LAOAG CITY – Inlawlawag ni Department of the Interior and Local Government (DILG) Secretary Juanito Victor “Jonvic” Remulla nga awan pay ti naiyisyu a request ti gobierno tapno mangiparuk-at ti red notice ti International Police Organization (Interpol) kontra ken ni dati a Presidential Spokesperson Atty. Harry Roque.
Inbatadna nga iti agdama ket nakanselar ti pasaporte ni Roque ngem awan pay ti naiparparuk-at a red notice kontra kenkuana.
Kunana a naikeddeng a makikoordinar kadagiti otoridad ken pakairamanan kadagiti foreign counterparts tapno iwayat ti panangarestar ken ni Roque.
Inpettengna a nupay adda ti koneksion ken panagpagayam, inlawlawagna a kas sekretario ket nasken nga iwalin dagitoy a banag ken ipangpangruna dagiti responsibilidad kas sekretario ti departamento.
Iti agdama, inpasigurado ni Remulla a siguradoen a dumalan iti umno a proseso ken isayangkat dagiti husto nga addang no naikkan ti pammigbig ti panangarestar kontra iti dati a Presidential Spokesperson.
