LAOAG CITY – Nagpanawagan ni Mrs. Michelle Cacayorin kadagiti residente ditoy Ilocos Norte iti panangsuporta da iti anak na a ni Ms Charieze Lianne Cacayorin a mangibagi iti Ilocos Norte iti manarimaan a pannakapili kadagiti sumrek ti semifinalist iti Ms. Universe 2026
Kunana nga iti panagtitinulong ti gobierno probinsial, lokal a gobierno, barangay ken dagiti residente ket dakkel a makatulong tapno agtultuloy iti iseserek na ti senifinals.
Inbatad na a kalpasan iti closed door interview ket balligi a naibilang ni Ms. Cacayorin iti Top 50, ken iti naiwayat nga evening gown competition idi Abril 5-11 ket nagballigi manen a nakastrek iti Top 40.
Innayon na a manarimaan paylaeng ti preliminary interview ken mairakurak ti Top 30 intono Abril 18 ita a tawen idinto a ti swimsuit competition ket maiwayat met intono Abril 19-25.
Mainaig iti daytoy, kuna ni Mrs. Cacayorin a maipaay da ti naan-anay a suporta iti anakna babaen ti panagbotos dagiti residente iti online.
Immuna iti daytoy, inbatad ni Mrs. Cacayorin a sakbay a nakipaset iti Miss Universe ti anakna ket nagturong ditoy Ilocos Norte tapno ag-courtesy call kadagiti nagduduma a lokal a gobierno ken ti gobierno probinsial.
Ni Mrs. Cacayorin ket adda paylaeng idiay Hawaii iti agdama ngem manamnama nga agawid ditoy pagilian tapno suportaran da ti anakna iti Miss Universe 2026.
