Sinuportaran ni Archbishop of Canterbury Sarah Mullally ni Pope Leo XIV mainaig iti panawagan ti kinakappia para iti amin a pagilian iti intero a lubong.
Gapu iti daytoy, ginutigot ti obispo ti 85 milyon nga Anglicans iti intero a lubong nga agsarita para iti kinakappia kagiddan dagiti serye ti pammabalaw ni United States President Donald Trump iti Santo Papa gapu iti pammabalawna iti gubat idiay Iran.
Inpetteng ni Mullally ti nakaro nga epekto ti gubat kadagiti sibilian pakairamanan ti pannakatay dagiti inosente, pannakaburak dagiti pamilia ken pannakapukaw ti masakbayan ti kaadoan.
Kabayatanna, immunan a kinondenar ni Pope Leo XIV dagiti lider nga aggasgastos ti binilyon a dolyar para iti gubat.
Binabalaw ti Santo Papa ti panagusar ti relihion kas rason iti naranggas a rinnupak.
Maipalagip nga inawagan ni Trump ni Pope Leo a “Weak on Crime,” ken “Terrible for Foreign Policy” iti maysa a social media post.
