LAOAG CITY – Nasugatan ti 18 nga indibidual kalpasan a nagdinnungpar ti dua a tren iti amianan ti Danish capital Copenhagen idiay Denmark.
Inbatad ni fire and rescue service leader Christoffer Buhl Martekilde, nakaro ti pannakadadael ti dua a tren no sadinno a nabuong ti sarming ken nadadael ti agpada a sango dagitoy.
Basar iti pannakangiwat dagiti otoridad, adda ti 37 a pakabuklan a nakalugan iti dua a tren nga insigida a naipaayan ti medical assistance dagitoy.
Nagturong iti lugar ti 18 a lugan ken 47 a rescue workers tapno maipaayan ti tulong dagiti maseknan a biktima.
Inrakurak ni Swedish Prime Minister Ulf Kristersson a nakikoordinar isuna ken ni Acting Danish Prime Minister Mette Frederiksen tapno mangipatulod ti tulong.
Iti agdama, agtultuloy ti maiwaywayat a naun-uneg nga imbestigasion mainaig iti insidente.
