LAOAG CITY – Naarestar ti maysa a babai iti naiyuswat a drug buy-bust operation iti Brgy. 14 iti ili ti San Nicolas.
Segun kenni Police Captain Sygman Benigno, ti Chief of Police iti San Nicolas Municipal Police Station, ti suspek ket agtawen iti 43, naasawaan, taga Barangay Cali iti ili ti Dingras ngem agdama nga agnanaed iti Brgy 1 iti ili ti San Nicolas.
Inbatad na nga iti pannakaiyuswat ti operasion ket nakumpiskar manipud iti suspek iti maysa a transparent plastic sachet a naglaon ti mapapati a shabu nga agdagsen ti maysa a gramo ken agbalor iti 6,800 a pisos, a daytoy ti nagatang ti nagpamarang a poseur buyer.
Malaksid iti daytoy, adda apay ti sabali a 2 a transparent plastic sachet nga agdagsen ti 2 a gramo nga agbalor met 13,600 ti nakumpiskar dagiti otoridad manipod iti nasao a suspek.
Naala pay manipud iti suspek ti 1000 a boodle money, pakairaman iti lugan na a motorsiklo, bag, cellphone ken dadduma pay a gamit na.
Mainag iti daytoy, kuna ni Sygman a ti suspek ket maibilang nga High Value Indibidual.
Iti agdama, nagtalinaed ti suspek iti Philippine National Poilce iti ili ti San Nicolas kabayatan ti pannakaisagsaganan ti maipila kontra kenkuana a kaso a panaglabsing ti Republic Act 9165 wenno iti Comprehensive Dangerous Drugs Act of 2002 .
