LAOAG CITY – Kalikagom ti Sang Panlalawigan a mapapintas dagiti benepisyo dagiti mapan ag-on-the- job training iti kapitolyo probinsial.
Segun kenni Vice Governor Matthew Marcos Manotoc, saan a mabalin a meryenda laeng ti maited kadagiti maseknan no di ket masapol nga adda pay ti maited a sweldo da.
Mainaig iti daytoy ,inpasigurado met ni Bokal Hanson Chua nga iplastar da ti kalikagom ti presiding officer babaen ti tulong ti Human Resource office ken dadduma pay a maseknan a departamento.
Kabayatanna, sinaludsud met ni EX-officio member Kichel Pungtilan no dagiti On-the Job Training ket maipan kadagiti departamento a maiyannatop iti kurso da, a sinungbatan met ti Human Resource office a maarisit amin sakbay a maibaon da kadagiti departamento a pagpaayan da.
