LAOAG CITY – Indeklarar a void wenno winaswas ti Korte Suprema ti panangikkat ni dati a Presidente Rodrigo Duterte ken ni dati nga Overall Deputy Ombudsman Melchor Arthur Carandang.
Iti desision nga inparuk-at laeng iti kallabes iti website ti korte, inbatad ti Supreme Court Third Division nga awan ti administrative wenno disciplinary authority ti dati a Presidente iti deputy ombudsman.
Pinatibker ti korte ti 2014 ruling iti Gonzales case, basar iti Korte Suprema, unconstitutional wenno maikanniwas iti linteg ti bileg ti Presidente nga ikkaten ti deputy ombudsman gapu ta makapaperdi daytoy iti karebbengan ti nasao nga opisina.
Inlawlawag ti Korte Suprema a biddot a kaso ti inusar a nagibasaran ti dati a Presidente iti panangipatungpal ti bileg daytoy tapno i-dismiss ni Carandang.
Inpetteng ti korte a ti kaso nga Agustin-Se a nagibasaran ti Office of the President ket saan a nagbalin nga isyu ti administrative disciplinary jurisdiction.
