LAOAG CITY – Inkari ti baro a supreme leader ti Iran a ni Ayatollah Mojtaba Khamenei a protektaranna ti nuclear ken missile capabilities iti pagilianda iti baet ti tension iti Estados Unidos ken ti agtululoy a negosasion mainaig ti rinnupak iti Middle East.
Iti maysa a rakurak iti state television, inbatad ni Khamenei a paset ti identidad ti Iran daytoy ket saan a maisuko iti aniaman a katulagan.
Daytoy ket kalpasan ti agtultuoy a pananglapped ti US Navy kadagiti tanker ti Iran a mangited ti napigsa a puersa iti ekonomiya ken iti global oil supply.
Malaksid iti daytoy, kontrol ti Iran iti Strait of Hormuz no sadinno a dumaldalyasat ti sumurok-kumurang a 1/5 a paset ti global oil supply nga agarup $126 kada bariles ti presio ti langis.
Agtultuloy met ti Pakistan kas mediator iti nagbaetan ti negosasion iti Estados Unidos ken Iran, nupay agtalinaed ti saanda a panagkappia kadagiti immunan nga isiyu kas iti nuclear program ken sanctions wenno pannusa.
Innayon pay ni Khamenei nga agtalinaed ti kontrolda iti Strait of Hormuz, banag a saan nga umannugot dagiti nagduduma a pagilian gapu ta dayta ket maysa nga international waterway.
