LAOAG CITY – Rinugian ti City Health Services Office (CHSO) ti Baguio ti larval surveillance kadagiti barangay tapno masigurado nga awan ti pagbalayan ti lamok kagiddan ti panagtudo gubauy ti localized thunderstorms.
Segun ken ni City Health Officer Dr. Celia Flor Brillantes, naiwayat ti surveillance kadagiti dadakkel a barangay, partikular iti densely populated areas ken immuna a tinutukan ti Barangay Irisan nga addaan ti sumurok 20,000 a residente.
Inbatadna nga uray sumagmamano laeng a pagikabilan nga addaan ti larvae, agwaras daytoy iti naruay a pagtaengan isut gapuna a ngumatngato ti panagwaras ti dengue gapu ta kabaelan a tumayab ti lamok ti tallo a milya.
Gapu iti daytoy, naideklarar nga “high risk” status iti barangay tapno papigsaen ti “search and destroy” campaign kontra iti breeding sites.
