Epektibo ti mannarimaan a naimplementar a no littering campaign iti Community Environment and Natural Resources Office (CENRO) ti siudad ti Laoag.
Inbatad ni Ms. Mylene Pascual, head ti Community Environment and Natural Resources Office (CENRO) a naobserbaran daytoy iti panawen ti kalgaw no sadinno a bakasion ti kaaduan ken pananggundaway ti dadduma tapno agbakasion.
Kinunana a daytoy a kampanya ket naiget a inkoordinarda iti nagduduma a Barangay ditoy siudad kangrunaan iti Liga ng mga Barangay President Rbee Alban.
Inlawlawagna a tunggal barangay ket adda ti agbantay ket no makakitada ti aglabsing ket insigida a mabagaan dagitoy.
Innayonna a no kitaen ti siudad ket awan dagiti basura nga agkaiwara a mangipakita ti napintas a resulta ti nasao a kampanya.
