LAOAG CITY – Inpasa ti konseho ditoy ciudad ti Laoag ti maysa a resolusyon a mangkidkiddaw iti kongreso ti pannakaamendar ti students-athletes protection act iti pagilian.
Segun ken ni Konsehal John Michael Fariñas, ti author iti nasao a resolusyon, nailanad iti Section 5 ti students-athletes protection act a mabalin a makaala ti medical protection ken health benefits dagiti atleta nga estudyante.
Inlawlawag na nga iti agdama ket ti nakailanad ket “may” a masapol a masukatan daytoy iti “shall” tapno mapagbalin a mandatory ti pannakaipaay ti benepisyo kadagiti student- athletes.
Inbatad ni Fariñas a napanuot na daytoy a banag kas panangipaay ti pammigbig iti pimmusay a gymnast ditoy ciudad ti Laoag a ni Carl Niño Acosta.
