LAOAG CITY – Inrakurak ni Interior Secretary Jonvic Remulla a plano daytoy nga agsubli iti probinsia idiay Cavite ken agpaidasig iti maysa a lokal a posision inton 2028 elections.
Daytoy ket kagiddan dagiti report a planona a tumaray iti national position inton 2028 ngem nagbaliw ti direksionna iti pulitika.
Inbatad ni Remulla a kalikagumna nga isentro ti serbisio publiko iti umno a rason ken saan laeng a para iti personal nga ambision.
Inadmitirna nga adda ti “perception gap” iti publiko maipanggep kenkuana ngem nakasagana nga awatenna daytoy kas paset ti panangidaulo.
Innayonna a nakalukat latta kenkuana ti posibilidad nga agbaliw ti planona ngem iti agdama ket nalawag ti gagemna nga agsubli idiay Cavite.
