Mamati ni Senator Erwin Tulfo a dakkel a pakai-babainan para iti Senado no adda ti maipagarup a kudeta iti liderato tapno mapasardeng ti impeachment proceedings kontra ken ni Bise Presidente Sara Duterte.
Ti inrakurak ni Tulfo a kageddan ti naiget a mapagsasaritaan mainaig iti maipagarup a plano a panangikkat ken ni Senate President Vicente Sotto III sakbay a maipangato iti Senado ti Articles of Impeachment manipud iti House of Representative.
Para ken ni Tulfo, saan a masapul nga usaren ti panagsukat ti liderato kas wagas ni Duterte tapno sungbatan dagiti alegasion kontra kenkuana.
Immunan a inbatad ni Sotto ti insigida a panagtignayda iti kabiitan a maawatda ti Articles of Impeachment, nupay kasapulan ti preparasion sakbay ti aktual a panagtalantan.
