Nakaawat dagiti 445 a senior citizen ti cash incentives babaen ti programa a Milestone Awards ditoy siudad ti Laoag.
Inpakaammo ni Dr. Norma Fernando, mangidadaulo iti Office of the Senior Citizen a dagiti benepisiario ket agtawen ti 70 agpangato.
Segun kenkuana, daytoy a benepisio ket maysa a wagas a panangiparikna ti gobierno ti panagayatda kadagiti senior citizen a saksi iti panagdur-as ti Laoag.
Innayonna pay a ti Milestone Awards ket programa a mangipaay ti tulong ken suporta kadagiti senior citizens kadagiti nagduduma a pagkasapulanda.
Kabayatanna, kinunana pay nga adda dagiti sumarsaruno a batch a maipaayan iti nasao a cash incentive.
