Inpakaammo ni Ms. Fe Respicio, pannakabagi ti City Social Welfare Development Office (CSWDO) ditoy siudad ti Laoag nga adda ti Foster System a mabalin a gundawayan dagiti kayatna ti ag-adaptar ti ubing.
Segun kenkuana, daytoy a programa ket nangrugi idi tawen 2022 no sadinno a ti panag-adaptar ti ubing ket saanen nga adda ti hurisdiksion ti hudikatoran no diket naipaiman iti National Authority for Child Care (NACC).
Kinunana a trabaho ti City Social Welfare Development Office (CSWDO) ti mangkita wenno mang-assess no agkalikagom ti agasawa a ma-addaan ti anak babaen ti panag-adaptar ket ipalubosda daytoy.
No makitada a financially capable dagitoy nga ag-adaptar ket mabalinda nga i-refer tapno makaawat ti subsidiya nga isu ti mausar tapno mapadakkel a nasayaat ti ubing nga adaptarenda.
Malaksid iti daytoy, kinunana nga adda ti 6 a lisensiado kas foster children ti naipaiman iti lima a licensed foster family.
Duwa kadagitoy ket Person with Disability wenno PWD nga immawat ti Php10,000 tunggal maysa manipud ti National Authority for Child Care (NACC)
Kasta pay nga ti baet ti panag-adaptar ket agtultuloy a ma-monitor dagitoy tapno maipasigurado a mausar ti umno a wagas ti kuarta.
Kabayatanna, inpakaammo na nga adda ti 5 nga ubbing a nakasagana iti pannaka-adaptar no sadinno a dagitoy ket naabuso ken pinanawan dagiti nagannak. Kinunana a duwa kadagitoy ket manamnama a ma-adaptar into Mayo 28 ken adda pay dagiti manarimaan a kitkitaenda.
