LAOAG CITY -Kinarit ni Senador Francis “Kiko” Pangilinan ni Senador Robin Padilla mainaig iti plano a panagpila na ti ethics complaint kontra kenkuana, ken inbatad na nga agpila met ti reklamo iti panangbutbuteng ken kaawan ti decorum iti senado.
Iti post ti senador, inpetteng na nga awan ti umdas a legal a pagibasaran ti reklamo a kalikagom nga ipila ni Padilla ken binalakadan na daytoy a saan nga agbalin a “balat sibuyas.”
Inpaganetget ni Pangilinan a ti kabayag na iti Senado ken iti kaado dagiti nabugkawan wenno nagngatoan na ti boses, ita lang a maaddaan ti ethics case.
Innayon ti senador a saan a maliklikan ti naiget a diskusyon ken panagngato ti boses iti baet ti nabara a debate iti plenaryo.
