LAOAG CITY – Nagbalin nga emosyonal ni Senadora Pia Cayetano kalpasan ti nagbalin a rakurak ni Senadora Risa Hontiveros nga arigna awan ti napasamak mainaig iti insidente ti pammaltog iti senado iti napalabas a lawas.
Segun ken ni Cayetano, nasakit unay para kadakuada ti nasao a rakurak gapu ta para kadagiti adda iti senado iti dayta a gundaway, nakaad-ado dagiti napasamak ken marikna da ti nakaro a buteng.
Ti insidente ti pammaltog ket napasamak idi Mayo 13 agingga iti Hunyo 14, 2026, iti uneg ti compound ti Senado.
Segun kadagiti report, napasamak ti tension kalpasan a nagpaputok ti paltog ti Senate sergeant-at-arms a ni retired MGen. Mao Aplasca, no sadinno a kalpasan iti insidente ket sinuspenso ti Ombudsman.
Nangitunda met ti nasao a pasamak iti panagamak dagiti senador ken empleado, ken nangitunda ti pannaka-kwestyunar iti seguridad iti uneg ti institusyon.
Iti agdama, im-imbestigaren pay ti mayorya no ania pudno a napasamak iti nasao nga insidente, idinto a ti minorya ket naikeddeng a mangisayangkat ti caucus tapno trataren ti posisyon da.
Adda pay ti alegasyon a sumagmamano a senador ti nakaawat ti text message sakbay ti pammaltog, rason a nakaruwar da ti compound sakbay a rimsua ti tension.
