LAOAG CITY – Adda ti uppat a tattao a natay iti panangipatungpal ti Russia ti ginasut a drones ken dinosdosena a missiles kontra iti Ukraine.
Inbatad ni Ukrainian President Volodymyr Zelensky a ti kangrunaan a pinuntirya ti Russia ket iti Kyiv idinto nga adda pay dagiti dadduma a lugar a naraot a nakasugatan ti nasurok a sangagasut a sabsabali pay.
Karaman kadagiti nadadael iti panagraot iti Russia ket dagiti dinosdosena a residential buildings, pagadalan, kasta pay ti opera house ken museum.
Mainaig iti daytoy, inrakurak ti Russian Defense ministry a ti Oreshnik hypersonic missile ti nausar iti strikes, nga indiskribir da kas panagibles iti panangraot ti Ukraine iti ” civilian infrastructure”, banag a naglikudan met ti Ukrainian military.
