LAOAG CITY – Kinumpirmaran ti National Bureau of Investigation (NBI) nga opisialen a kiniddawna iti Philippine National Police (PNP) a suspensoen dagiti permits dagiti 100 a paltog a nakarehistro iti nagan ni Senador Ronald dela Rosa.
Segun ken ni National Bureau of Investigation (NBI) Director Melvin Matibag, a karaman kadagiti nangangato a kalibre ti paltog a pina-suspenso ket ti automatic rifles ken shotgun.
Kabayatanna, inbatad met ni Justice Secretary Frederick Vida a manamnama ti insigida a pannakasuspeso dagiti lisensia iti paltog ni dela Rosa.
Immunan a naideklarar kas armado ken delikado ti dati a hepe ti Philippine National Police (PNP) iti baet ti panagsarak kenkuana dagiti otoridad kalpasan a tumalaw iti Senate premises ken maawan iti protective custody ti Senado.
