LAOAG CITY – Manarimaan ti panagsagsagana ti City Tourism Office ditoy siudad ti Laoag kadagiti nagduduma nga aktibidad ken programa para iti bulan ti Hunio.
Segun ken ni Mrs. Mary Jane Leaño, mangidadaulo iti nasao nga opisina, makumikomda iti panagsagsagana para iti pannakaselebrar ti Independence Day kangrunaanna ti Charter Day ditoy siudad ti Laoag.
Malaksid iti daytoy, manarimaan pay ti panagplanoda para met iti Marunggay Festival pakairamanan ti Pride Month.
Inpanamnama ni Leaño ti ad-adu pay a programa ken aktibidad ti maisayangkat a pakabenepisiaran dagiti umili ditoy siudad ti Laoag.
