LAOAG CITY – Nagballigi dagiti otoridad a nangarestar iti maysa a tricycle driver gapu iti kaso na a Qualified Theft iti Brgy. 1 ditoy suidad ti Laoag.
Ti suspek ket agtawen ti 47, naasawaan, tricycle driver ken residente ti Barangay 15, San Guillermo ditoy ciudad ti Laoag.
Natiliw ti suspek babaen ti bileg ti warrant of arrest nga inparuk-at ni Presiding Judge Elmer Ragudi Bernado, Municipal Trial Court in Cities, First Judicial Region iti ciudad ti Batac.
Nairekomendar ti 14 a ribu a pisos a pagpiyansa ti suspek para iti temporario a pannakawaya-wayana.
Naammoan a naireklamo ti suspek idi bulan ti Abril iti agdama a tawen.
Kabayatanna, naipan ti suspek iti Governor Roque B. Ablan Sr. Memorial Hospital para iti medical examination sakbay a maisubli iti korte a naggapwan ti warrant of arrest.
