LAOAG CITY – Nagatendar iti kaunaan nga Imperial banquet-na iti Imperial Palace ni Prince Hisahito, agtawen ti 19 kas paset iti panangsangaili iti panagbisita da Presidente Ferdinand “Bongbong” Marcos Jr. ken First Lady Liza Araneta-Marcos idiay Japan.
Ti diplomatic dinner ket maibilang a maysa a naisangsangayan a kanito para iti ubing a prinsipe nga agdama a maikadua iti linya ti panagpatawid iti Chrysanthemum Throne ti Japan.
Ti panagatendar kadagiti kastoy nga okasion ket maysa a napateg nga addang kas maysa a prinsipe.
Karaman kadagiti napasamak iti banquet ti pannakisarsarita ni Department of Trade and Industry (DTI) Secretary Ma. Cristina Roque ken ni Prince Hisahito a nagmarka iti naun-uneg a koordinasion iti nagbaetan ti Pilipinas ken delegasion ti Japan.
