LAOAG CITY – Kwinestionaran ni Senador Panfilo Lacson iti plano ti National Bureau of Investigation a paayabanda ti asawa ni Senador Ronald dela Rosa iti babaen ti subpoena tapno maammoan ti paglemlemmengan ti Senador a manarimaan a mabirbirok mainaig iti arrest warrant manipud iti International Criminal Court (ICC).
Babaen iti post ti social media, kinuna ni Lacson a “trabahong tamad” ken kayatna laeng a saoen a nakapuy ti work intelligence ti nasao a ganuat.
Inbatadna a saanen a kasapulan nga iraman ti asawa ti Senador a ni Nancy Dela Rosa ti manarimaan a panagsapol iti Senador.
Immunan a dinakamat ni Matibag a saan a makaapektar ti nasao a subpoena a direkta a maammoan ti paglemlemmengan ni Dela Rosa.
Kunana a karaman laeng daytoy ti imbestigasion mainaig kadagiti report a maipagarup a nangipatulod ni Nancy ti text message ken ni Senate President Alan Peter Cayetano idi rimmuar ni Senador Dela Rosa idi Mayo 13.
Innayon pay ti National Bureau of Investigation a manarimaan ti panagimbestigarda no inusar ti Senador ti insidente a pammaltog iti Senado tapno makaruar daytoy ken no asino pay ti mabalin a nangibilin daytoy.
