LAOAG CITY – Naisubli manen iti Philippine National Police General Hospital ni dati a Department of Public Works and Highways (DPWH) Secretary Manuel Bonoan.
Daytoy ket gapu iti panagpila na ti mosyon para iti pannakaipadalan na ti hospital arrest.
Pasado ala-1 ti malem ti Martes, Hunyo 2 ket nairuwar ti dati a sekretaryo tapno agatendar ti arraignment na para iti kaso na a graft ken return of warrant iti kaso a plunder iti Sandiganbayan.
Nupay kasta, naitantan ti arraignment da Bonoan ken Senador Jinggoy Estrada intono Hunyo 4 gapu ta adda ti nakapenpen a mosyon gapu iti P537- milyon a plunder ken graft charges nga adda ti pakainaig iti maanomalya a flood control projects.
Kinumpirmaran met ti Fifth Division ti Sandiganbayan a nagpila ti mosyon para iti hospital arrest ni Bonoan.
Naawat ti anti-graft court ti mosyon ni Bonoan para iti hospital arrest agarop 24 oras kalpasan a naikabil iti PNP General Hospital gapu iti panagngato ti blood pressure na.
