LAOAG CITY – Pormal a nairubuat ti Sunflower Garden ti Mariano Marcos State University iti siudad ti Batac.
Inladawan ni Mariano Marcos State University Vice President Dr. Nathaniel Alibuyog ti sunflower kas ti tao a no ti nasao a mula ket sursurotenna no sadinno ti lawag ket kastoy met ti tao a sursurotenna met ti Apo nga isu ti paggapoan ti lawag dagiti tattao.
Inlawlawag ni Dr. Marlowe Aquino no apay nga adda ti sunflower garden a daytoy ket dati a pagmulaan ti pagay ken mais.
Inbatadna a daytoy ket paset ti regalo nga ipaay ti Mariano Marcos State University kadagiti estudiante, stakeholders, partners ken ti sibubukel a komunidad.
Mainaig iti daytoy, kas panangselebrar ti maika-50 a tawen nga anibersario, ti Mariano Marcos State University ket agtultuloy a mangipapaay ti naruay nga oportunidad para kadagiti estudiante babaen ti panangipaay ti dekalidad nga edukasion.
Inrakurak ni Mariano Marcos State University President Dr. Virgilio Julius Manzano Jr. a daytoy a proyektoda ket maibilang a ti unibersidad ket academic tourism area gapu ta no adu dagiti magutigot a mapan iti unibersidad ket mabenepisiaran ti siudad ti Batac.
Kunana nga ad-adda a mapadur-as ti ekonomia ken dadduma pay a sektor iti siudad.
Inpettengna a binaliwanda ti sunflower gapu ta kalikagumda nga ad-adda a makaipaay ti napinpintas a resulta ti ekonomia gapu ta ti sunflower ket saan laeng a mangipasimudaag ti napintas a banag no diket nabayag ken napintas nga impact.
Dinayaw met ni Mayor Mark Christian Chua ti Mariano Marcos State University ken namnamaenna nga amin a plano ni Presidente Manzano Jr. para iti unibersidad ket matungpal.
Kabayatanna, inpakaammo ni Ms. Angelica Yumul, mangidadaulo ti City Tourism Office iti siudad ti Batac a ti sunflower ket dakkel ti kaipapananna iti Mariano Marcos State University a daytoy ti kanayon a makakita ti balligi dagiti naruay nga estudiante nga agturpos iti kada tawen.
