Pannakabalbaliw iti nagan ti Mariano Marcos State University, addan iti committee level – Cong. Barba

LAOAG CITY – Inrakurak ni Ilocos Norte 2^nd District Rep. Angelo Marcos Barba nga addan iti committee level ti pannakabalbaliw iti nagan ti Mariano Marcos State University wenno MMSU.

Inbatadna a manipud iti Mariano Marcos State University ket mapagbalin a Ferdinand Edralin Marcos State University wenno FEMSU.

Inlawlawagna nga adda ti 135 nga state colleges ken universities nga inestablisar ni dati a Presidente  Ferdinand Edralin Marcos Sr. ngem saanna nga inpalubos a mainagan daytoy kenkuana.

Kunana a daytoy a panangikagumaanna a maipasa daytoy a gakat ket kas panangipaay ti pammigbig iti dati a Presidente.