LAOAG CITY – Nakasaganan iti panagtalaw iti detention facility iti Senado ti contractor a ni Pacifico “Curlee” Discaya.
Daytoy ket iti panagserbi ti warrant of arrest nga inyisyu ti Bulacan Regional Trial Court (RTC) Branch 20 no sadinno a kinasoan ti malversation mainaig iti flood control scam.
Naiyurnosen ti Senado dagiti kagamitan ni Discaya para iti panang-turn over kadagiti otoridad.
Naipadalan pay daytoyen iti medical examination ken naikkanen ti doktor ti Senado ti medical certificate.
Nakabalud ni Discaya iti Senado sipud idi Setiembre 2025 kalpasan a ma-contempt ti Senate Blue Ribbon Committee (BRC) iti baet ti imbestigasion iti maanomalya a flood control projects.
Immunan a naibalud iti Quezon City Jail dagiti dati a kadua ni Discaya a dagiti dati a Bulacan Department of Public Works and Highways (DPWH) officials ken engineers a na-contempt gapu iti panagulbod dagitoy.
