LAOAG CITY – Naidungpar ti nakamotorsiklo iti sementado nga alad iti airport road iti Barangay 48-B, Cabungaan ditoy siudad ti Laoag.
Ti driver ti Honda TMX 125 ket maysa a lalaki nga agtawen ti 58 ken residente ti Barangay 7, Caruan iti ili ti Pasuquin.
Basar iti Ilocos Norte Police Provincial Office, kabayatan a dumaldalyasat ti nakamotorsiklo nga agturong nga agpa-laud ket napukawan ti kontrol ti manibela a nangitunda ti pannakaidungparna iti sementado nga alad.
Gapu iti daytoy, nagsagaba ti sugat iti ulo ken gasgas iti nagduduma a paset ti bagi ti driver ti motorsiklo.
Naammoan a nagalis ti kalsada gapu iti panagtudtudona idi napasamak ti disgrasia.
Kabayatanna, saan met a nakainum ti nasanger ti biktima.
