LAOAG CITY – Kinondenar ti Iran ti inwayat nga airstrike ti Estados Unidos kadagiti radar ken coastal surveillance sites-da.
Inawaganda daytoy kas maysa a panaglabsing iti ceasefire deal iti nagbaetan ti Amerika ken Iran.
Basar iti Foreign Ministry ti Iran, timmama ti strike iti rehion ti Sirik ken Qeshm Island.
Insungbat met ti United States Central Command a ti panangatake iti surveillance radar sites iti lugar ket tapno maliklikan ti aniaman a panangatake kadagiti barko a dumaldalyasat iti Strait of Hormuz.
