LAOAG CITY – Nangiparuk-at ti Department of Education (DepEd) ti baro a pagannurotan tapno makatulong kadagiti school heads iti panangsuspenso ti serrek tunggal adda ti kalamidad.
Iti babaen ti Department of Education Order Number 14 series of 2026, maipaayan ti bileg dagiti school heads a maaddaan ti koordinasion iti School Division Superintendent ken iti local government units para iti panangipatungpal ti granular suspension ti klase basar iti aktual a situasion iti komunidad.
Inpasigurado ti Department of Education a ti class suspensions ket target dagiti naapektaran a classroom wenno grade levels ngem iti panangipatungpal ti sibubukel a pannakakanselar ti serrek iti intero a dibision.
Adda ti uppat a baro a level-based learning continuity framework ken uppat a level base iti Department of Education.
Umuna ket ti Hayo wenno Continue a regular-in-peson learning ket agtultuloy no natalgeden ti amin.
Hinay wenno Ease-in ket ti panagadal ket agtultuloy nga in-inot idinto a flexible manner no adda ti apagapaman a kalamidad.
Hinga wenno Check-in academic demands ket kissayan tapno ipangpangruna ti kinatalged ken ti maudi ket Hinto wenno Stop a temporario nga ipasardeng ti serrek gapu ta mairisgo ti kinatalged dagiti agad-adal.
Gagem ti nasao a pammilin ket tapno maaddaan ti napaspas ken umdas nga ammo.
