LAOAG CITY – Inikkaten ti National Grid Corporation of the Philippines (NGCP) ti yellow alert status iti Visayas power grid.
Basar iti National Grid Corporation of the Philippines, epektibo alas-9:08 ti rabii idi Biernes idi naideklarar a lifted ti nasao nga alert status.
Inbatad ti ahensia nga umabot iti 2,586 megawatts (MW) ti available capacity ti grid idinto nga adda ti 2,282 MW met ti agdama a demand iti kuryente.
Kunana a mangiparparuk-atda ti yellow alert status no saan nga umdas ti operating margin tapno masolbar ti kasapulan a contingency iti transmission grid.
Awan ti naipadamag a problema iti suplay ti kuryente kagiddan iti pannakaikkat ti alert status.
