LAOAG CITY – Manamnama a ngumato ti agingga P2.90/L ti presio ti diesel ken posible met a makissayan ti P1.50/L ti presio ti gasolina ngem namnamaen a ngumato ti P4.70/L ti presio ti kerosene inton bigat, Martes, Hunio 9.
Basar iti Mean of Platts Singapore (MOPS) trading ken foreign exchange averages, ti napalabas nga uppat nga aldaw ket inbatad ti oil industry source a namnamaendan ti umiso a rollback iti presio ti produkto a petrolyo.
Kagiddan iti daytoy, posible a lukayan ti Department of Energy ti agdama a pagalagadan mainaig iti presio ti produkto a petrolyo tapno maka-adjust dagiti nagdumaduma nga oil companies tapno makasurotda kadagiti agbaliw-baliw a presio ti langis iti world market.
Inbatad ni Energy Secretary Sharon Garin ket ad-adalen ti nasao nga ahensia no kasanoda nga in-inoten a kissayan ti nairot a panagbantay iti presio kabayatan a sigsiguradoen ti proteksion para kadagiti consumer.
