LAOAG CITY – Kalikagom ti U.S. federal judge iti Washington a lapdan ti plano nga Ultimate Fighting Championship (UFC) event iti White House nga inorganisar ni U.S. President Donald Trump.
Naikeddeng a maiyuswat ti nasao nga aktibidad intono Hunyo 14, kagiddan ti maika-80 a panagkasangay ni Trump.
Karaman pay a kidkiddawen ti US Federal judge ket ti pannakaisardeng ti panagipatakder ti maysa a dakkel nga arena structure nga inawagan a “The Claw” iti South Lawn ti White House.
Basar iti reklamo, kidkiddawen ti dua a residente iti Washington a mangiparuk-at ti temporary restraining order ti korte tapno malapdan ti aktibidad a naawagan ti “UFC Freedom 250.”
Naamoan a maiyuswat ti laban iti uneg ti maysa a 92-foot-tall octagon-shaped cage, idinto a ti weigh-in ket maipatungpal iti Lincoln Memorial.
Kwinestyunaran dagiti nagpila ti kaso ti panagusar kadagiti pampubliko a lugar kas ti White House South Lawn ken Lincoln Memorial para iti maysa a pribado nga sporting event gapu ta mailabsing daytoy kadagiti pagannurutan ken maipagarop a kasapulan ti pammalubos ti kongreso ti panagipatakder ti dakkel nga istruktura iti lugar.
Dagus met a bwineltaa daytoy ti White House no sadinno nga inawagan na ti kaso nga “obstructionist, baseless, ken dilatory lawsuit,” ken inpetteng na a ti aktibidad ket kapada laeng ti dadduma nga opisyal nga aktibidad a maisaysayangkat iti White House grounds ken National Mall.
