LAOAG CITY – Nangipadanon ti pannakipagladingit ni Japanese Prime Minister Sanae Takaichi kadagiti biktima ti magnitude 7.8 a gingined a timmama iti sumagmamano a paset ti Mindanao ditoy pagilian.
Iti post daytoy iti X a dati a Twitter, inbatad ni Takaichi a napalaos a malidayan daytoy kalpasan ti nalawa a pannakadadael pakairamanan ti pannakanarpuog dagiti pasdek iti rehion.
Nangipadanon pay isuna ti pannakipagladingit kadagiti pamilia dagiti natay ken dagiti amin a naapektaran iti trahedia.
Inpasigurado ni Takaichi a nakasagana ti Japan a mangipaay ti nayon a tulong ditoy Pilipinas dagiti kasapulan kadagiti naapektaran a lugar.
Inpettengna nga agtultuloy ti panagkaykaysa ti dua a pagilian iti baet kadagiti didigra.
Maipalagip a bimmisita da Presidente Ferdinand Marcos Jr. ken First Lady Liza Araneta-Marcos idiay Japan idi Mayo para iti maysa nga state visit no sadinno a tinalantan ti panangpapigsa ti pannakikoordinar iti nagbaetan ti Pilipinas ken Japan.
