LAOAG CITY – Natay ti maysa a lalaki nga agtawen ti 54 kalpasan a magaboran ti daga kabayatan ti panagarmidda iti bubon iti Barangay Baduang iti ili ti Pagudpud.
Segun ken ni P/Maj. Lester Dabbay, a kabayatan ti panagaramid da iti deepwell wenno bubon idinto a nagriggaay iti daga nga addaan kauneg a 9-10 meters.
Kunana nga uppat da nga agkalkali ket maysa kadagitoy ti natay.
Inbatadna nga iti kinapigsa ti tudo ti rason no apay kimmaro ti panaggedday iti daga.
Naamoan a ti nagkalianda ket ti laeng aglawlaw ti solar da no sadinno nga damdamo dagitoy iti agkali ti deepwell.
Innayon ni Dabbay nga agarup immabot iti 8-10 hours ti panang-retrive da iti biktima.
Kabayatanna, nagpalagip ni Dabbay nga makisarita nga umuna kadagiti eksperto sakbay nga agaramid iti maysa a banag nga saan nga ammo tapno adda ti mangatabay apaman nga ubraen daytoy.
